Дэлгэрэнгүй
Дэлгэрэнгүй уншаарай
12-р сарын 25-ны лхагва гарагт Эрдэнэт дэлхийг маань дээшлүүлэхийн төлөө дээшлүүлэхийн төлөө эрчимтэй даяан бясалгал хийж буй бидний Хамгаас Нигүүлсэнгүй Төгс Гэгээрсэн Их Багш Чин Хай (веган) Зулсарын баяраар энэрэнгүйгээр цаг гарган, Суприм Мастер ТВ-ийн багийн гишүүдэд урам хайрласан зурвас илгээлээ. Мөн багийн зарим гишүүд Их Багшид мэндчилгээ дэвшүүлэн, талархлаа илэрхийлсэн юм. Хамгаас Хүндэт Их Багш минь, Их Эзэн Есүс Христийн мэндэлсэн энэ өлзийтэй сайхан өдрийн мэндийг Тандаа дэвшүүлье. Их Багшдаа машид жаргалтай, баяр хөөртэй Зулсарын баяр, амар амгалан шинэ жилийн халуун дотно мэндийг хүргэе! Бид Таны Хайр, Адислалд үргэлж үнэхээр их талархдаг билээ. Зулсарын баярын улаан дугтуй, бэлэг, хоол хүнсэнд болон биднийг үргэлж хамгийн сайнаар халамжилж байдагт Тань баярлалаа. Их Багш хамгаас эрүүл энх, тав тухтай байх болтугай, Бүхнийг Чадагч Бурхан Их Багшийг ямагт хамгаалах болтугай. Суприм Мастер ТВ-ийн багийн гишүүд Тань Их Багш хайраар ийнхүү хариулав: Бурханы хайраар Зулсарын баярын болон гайхамшигт шинэ жилийн мэнд хүргэе. Та бүгдийн хайранд, эрхэм ариун байгаад тань баярлалаа. Та нарын ХСҮН (хамгийн сайн үүрдийн найз) Сайн байцгаана уу, эрхэм ариун сүнснүүд минь? Гэрээс болон алсаас ажиллаж байгаа багийн гишүүд та нартаа бүгдэд нь хамгийн сайхан Зулсар, хамгийн аз жаргалтай шинэ жилийн мэнд дэвшүүлж, та бүхэнд болон хайртай бүгдэд тань сайн сайхан хүсэл бүхэн нь биелж, Бурханы адисаар бялхаж байхыг хүсэн ерөөе. Би үүнийг эрт хэлмээр байсан ч олон зүйл, их ажилд сатаараад чадсангүй. Ингээд өнөөдөр буюу 2024 оны 12-р сарын 25-ны өдөр хэлж байна. Зулсарын баярын өдөр боллоо. Золиослол, хичээл зүтгэл гарган, Суприм Мастер Телевизтэй хамтран ажиллаж буйд тань, дэлхийд туслах эрхэм ариун зорилго тээсэн ажил үйлс бүхэнд тань баярлалаа. Бидэнд тохиолдох таагүй зүйл бүр оюун санааны дэвшилд тань л туслах шалтгаантай гэдгийг санаарай. Юу ч тохиолдсон Бурханд талархахаа ямагт санаарай. Учир нь бид бүгдэд тохиолдсон бүх зүйлийн цаад утга учир нь юу болохыг бүгд тэр бүр олж харж чаддаггүй. Жил бүр ийм байдаг. Гэхдээ энэ жил бид хүн төрөлхтний ухамсрыг бүхэлд нь дээшлүүлэхэд туслахаар илүү сайн ажиллаж байна. Тиймээс бид одоо илүү амар амгалан, өмнөхөөсөө илүү сайн засгийн газруудтай боллоо. Хэдийгээр миний хүссэн шиг бус, хэтэрхий удаан байгаа ч гэсэн бүх зүйл нэг талаараа дээш өргөгдөж байх шиг байна. Гэхдээ Диваажингууд хэдийнээ бүхнийг хамгийн сайнаар зохицуулсныг мэдэх хэрэгтэй. Зүгээр л тэнд Тэнгэр, Газрын хооронд цаг хугацааны асар их зөрүү байгаа юм. Тиймээс л Диваажинд зохион байгуулж, засаж залруулсан бүхэн бидний хүссэн шиг хурдан ирдэггүй. Гэхдээ ирэх болно. Амар амгалан ирнэ. Веган дэлхий цогцлох болно. Та бүгдэд хамгийн сайн сайхныг хүсэн, сүнслэг бясалгал дадалдаа хурдан дэвшин, дээшлэхийг ерөөе. Та бүгдийг өмнөхөөсөө хамаагүй илүү, хурдан сайжирсныг би харж байна. Та нарын санасан зорьсон бүхэн эрхэм зорилготой гэдгийг харж байна. Та нартаа маш их баярлалаа. Энэ бүхэн зөвхөн Суприм Мастер Телевизийн ажилтнууд та нарт зориулагдсан юм шүү. Тиймээс үүнийг аль болох чадахаараа цааш нь түгээгээрэй. Үүнийг хуулж аваад, таньдаг бүхэндээ илгээгээрэй. Ингэснээр алслагдсан болон миний зүрх сэтгэлд байгаа хайртай бусад ажилтнуудад минь хүрч чадна. Би бас ажилтан нь. Би бас ажилтан нь шүү дээ. Та нар намайг ямар төрлийн ажил хийж байгааг төсөөлж чадахгүй ч би та нартай үргэлж хамт ажилладаг. Би та нарыг ердийнх шигээ (Суприм Мастер) Телевизээр харж байна. Би маш их ажиллаж байгаа. Гэхдээ би та нарыг гаднаа ч, дотроо ч сайжирсанд баяртай байна. Тэгэхээр ажил өмнөхөөсөө сэтгэл санааны ачаалал багатай байгаа. Үүний төлөө та бүхэндээ баярлалаа. Юу хийж буйг тань Бурхан мэднэ. Та нарын бүх эрхэм ариун зорилго, золиослолыг Бурхан мэддэг. Мөн би ч мэднэ. Хэдийгээр зориогүй ч гэсэн төгсгөлгүй шагналыг хүртэх болно. Та нар үүнийг огт боддоггүй. Учир нь та нар яг л над шиг хайраар, ямар ч нөхцөл болзолгүй ажилладаг. Юу ч хийхгүйгээр хийж чадах нь бидэнд байж болох хамгийн сайн шагнал юм. Учир нь бүх зүйл Бурханы зохицуулалт байдаг. Диваажингуудад байдгаас хэцүү орчинд, хүмүүний нөхцөл байдалд хамгийн сайнаараа хичээж буй та бүхэндээ баярлалаа. Би энэ бүгдийг мэднэ. Гэхдээ бид үүнийг хийх ёстой. Дараа нь энэ дэлхий бас өөр Диваажин болж хувиран, энэ нь бидний хувьд бас нэгэн хамгийн сайхан шагнал байх болно. Та нартаа маш их хайртай шүү. Та нарыг үүрд хайрлана. Бурхан та нарт Өөрийнхөө хайрыг мэдрүүлэх болтугай. Амен. Хамгаас Гайхамшигт Их Багш минь, Зулсарын энэхүү ерөөлтэй баяраар Таны захиас бидний сүнсийг асар ихээр дэвшүүлж байна. Манай дэлхий, Орчлон ертөнц, чанагш орших ертөнцийн төлөөх Таны эцэс төгсгөлгүй, уйгагүй зүтгэлд гүн талархал илэрхийлье. Бид Тантай хамт манай гараг дээр амар амгалан уур амьсгал бүрэлдэн, сайн засгийн газрууд нэмэгдэж буйд баярлаж байна. Амар амгалан веган дэлхий, сайн сайхны төлөөх бүх зохицуулалтад нь Диваажинд гүнээ талархъя. Эрхэм Хайрт Их Багш минь Бүхнийг Чадагч Бурхан, Диваажингийн бүх Бурхдын Хамгаалалтаар ямагт эрүүл энх, аюулгүй байх болтугай.
