Украинд (Урейнд) болон дэлхий дахинд энх тайвныг тогтоох арга, лекцийн 13-ын 1-р хэсгийг

Сайхан сэтгэлт та бүхэн минь сайн байцгаана уу? Тийм ээ, та нартай ярьсан нь саяхан даа, өчигдөр шиг санагдаж байна. Уржигдар байх аа даа. Гэхдээ дахиад ярих хэрэгтэй боллоо. Энэ удаад та бүхэн надаас зүгээр нэг сонин сайхан, дипломат байдал, дипломат яриа сонсохгүй байх. Харин би яг одоо та нарт бүхнийг хэлэх ёстой. Өөрөөр хэлбэл та бүхэнд маш чухал зүйлийг бүгдийг нь үнэнээсээ хэлэх ёстой.

Юуны өмнө, Эрхэмсэг ноён, Агуу Ерөнхийлөгч Трамп, Таныг сонгуульд ялсныг хараад миний сэтгэл ихэд уужирсныг Та мэднэ. Учир нь Та энх тайвны төлөө, хүн төрөлхтнийг нигүүлсэхийн төлөө, дайны хохирогчдын төлөө гэдгийг би мэддэг. Та ерөнхийлөгч Зеленськийд тийм ч зөөлөн хандаагүйн шалтгаан нь энэ. Гэхдээ би Таныг Путинд хэт түшиглэж болохгүй гэдгийг зүрхлэн хэлэх ёстой. Учир нь тэр бага наснаасаа коммунист байсан, КГБ-гийн мэргэжлийн ажилтан хүн шүү дээ. Эдгээр хүмүүсийн хувьд Орост коммунизм сөнөж, үгүй болоод багагүй хугацаа өнгөрч байгаа ч гэсэн бага наснаасаа сурсан зүйлсээ тэр бүр гүйцэд мартаж, арилгаж чаддаггүй. Надад итгэхгүй байж болно оо. Орос болон дэлхийн бусад улс орнуудад коммунистуудын хийсэн бүх зүйлийн түүхийг эргэн хараарай.

Одоо зөвхөн Украин (Урейн)-ы тухай ярьж байна. Таныг дэлхийн түүхийн талаар их зүйл мэддэг гэдгийг би мэднэ. Мөн ерөнхийлөгчийн хувьд Та үүнийг олон улсын асуудалд ашиглахын тулд энэ бүгдийг мэдэж байх нь тун зүйтэй. Би өөрийгөө улс төрд сайн гэж Танд хэлж байгаа юм биш л дээ. Би хөндлөнгийн хүн тул зүгээр л бүх зүйлийг илүү тодорхой харж байна.

Тэгэхээр Та Өөрөө энх тайвныг эрхэмлэгч, ерөнхийлөгч Зеленський ч гэсэн анхнаасаа Тантай ижил үзэл бодолтой байгаагүй ч бүрэн энх тайвны төлөө байна. Гэхдээ түүнийг дайн хүсэж, үргэлжлүүлэх хүсэлтэй гэж итгэх хүн үгүй гэж бодож байна. Тэр дайныг хүсэхгүй байгаа учраас дайнд бүхнээрээ дэнчин тавьж байна. Тэр гэр бүлтэйгээ бараг л уулздаггүй, өдөр шөнөгүй өөрийнхөө амь насыг эрсдэлд оруулж, мөн шүүмжлэлд их өртдөг. Гэхдээ энэ хүн угаас дайн хийхийг хүсэж байна гэж би бодохгүй байна. Тэр тусмаа улс орныхоо бүрэн эрхт байдлыг, эх орныхоо хараат бус байдлын хяналтыг алдсан үед бүр ч хүсэхгүй.

Тиймээс хүн төрөлхтнийг хайрлах хайрынхаа улмаас Та дотроо энх тайвны төлөө шатаж буйг би мэднэ. Надад ч бас адилхан мэдрэмж төрж байгаа болохоор би үүнийг мэднэ. Би ямар ч гэм зэмгүй хүмүүс, ялангуяа фронтод байгаа залуу сайхан дайчид оросууд ч бай украин (урейн)-чууд ч бай үрэгдээсэй гэж хүсэхгүй байна. Би хэнийг ч ийм аймшигтай, хэрцгийгээр амь алдахыг хүсэхгүй. Таныг ойлгож байна.

Би Таныг бүх талаар, өнөөг хүртэл баримталж буй олон бодлогыг тань үнэхээр дэмжиж, өдөр бүр мэдээ уншиж, телевизээрээ гаргахаар мэдээний багт өгдөг. Учир нь би бас хүмүүсийг Таныг дэмжиж, Таны зөв зүйл хийж байгааг мэдээсэй гэж хүсэж байна.

Манай багийнхнаас ч хүртэл, зарим нь, тэдний нэг нь, мэдээндээ орууллаа гэж намайг шүүмжилсэн. Зарим гэмт хэрэгтнүүд, ялангуяа хууль бус цагаачдыг гэмт хэргийнхээ төлөө тодорхой хэмжээгээр цаазлуулна гэж та хэлсэн. Би үүнтэй санал нийлж байгаа ч манай багийн зарим гишүүд зөвшөөрөөгүй бөгөөд Төгс Гэгээрсэн Их Багш Чин Хайн Олон Улсын Нийгэмлэгийнхэн бид цаазаар авах ялыг эсэргүүцэж байгаа тул цаазаар авах ялыг устгах ёстой гэж надад хэлсэн. Мэдээж би цаазын эсрэг байдаг. Харин дараа нь би Таны шийдвэрийг хамгаалах ёстой тул тэдэнд хэлсэн. Бүр бичгээр ч байгаа. Би энд юу ч зохиож яриагүй. Хэдэн долоо хоногийн өмнө юм уу хэдэн өдрийн өмнө байж магадгүй. Зарим үед бусад сэдвүүдэд зориулагдсан ч бүгдийг нь бичээгүй. Миний хувьд одоо цаг хугацаа маш хурдан өнгөрч байгаа тул хэзээ гэдгийг сайн санахгүй байна. Гэхдээ миний зарчимтай зөрчилдөж байсан ч би тэр шийдвэрт хэрхэн хандсаныг харах боломжтой тул бид үүнийг дахин хэвлээд нийтэлж болно. Гэхдээ би тэдэнд хэлснээ үг үсгээр нь санахгүй л байх. Гэвч бид Танд, бусад хүмүүст уншуулахын тулд миний хариултыг дахин нийтлэх боломжтой. Ерөнхийлөгч Трамп амь хороохыг үнэндээ хүсдэггүй гэж тэдэнд хэлсэн.

Ерөнхийлөгч Трампын цаазаар авах ялын тушаалд өгч буй Их Багшийн хариу:

БУСДЫГ ХОХИРООЖ/ ХӨНӨӨДӨГ ХАМГИЙН ХҮНД ГЭМТ ХЭРЭГТНҮҮДИЙГ ШОРОНД ТЭЖЭЭЖ/БАЙЛГАЖ, ХУУЛЬЧ, ШҮҮХ ХУРАЛ ГЭХ МЭТЭД ТАТВАРЫН МӨНГӨӨ ЗАРЦУУЛСНААС ТЭДНИЙГ АЙЛГАЖ/ ЗОГСООХ ЗОРИЛГООР БАЙЛГАСАН НЬ ДЭЭР Г.М.

ЭНЭ НЬ БИДНИЙ ХУУЛЬ БИШ, БИД БОЛ МЭДЭЭЛЭГЧ ТӨДИЙ. ОЛОН НИЙТЭД МЭДЭЖ, ЗАЙЛСХИЙГ ГЭЖ НАЙДАН МЭДЭЭЛДЭГ БИЛЭЭ....

АНУ УГААСАА ЦААЗЫН ЯЛТАЙ. АМЕРИКЧУУДЫН АЮУЛГҮЙ АМЬДРАХ ЭРХИЙГ БУЦААН ОЛГОХ ГЭЖ, МӨН ХУУЛЬГҮЙ, СУЛ НИЙГЭМД ӨӨРСДИЙГ НЬ БОЛОН БУСДЫГ ХОРООХ ГЭМТ ХЭРГИЙГ ЗОГСООХОД ТУСЛАХ ГЭЖ Л ТРАМП ҮҮНИЙГ АШИГЛАДАГ

(БАГШИД ХЭТ УРТ ТАЙЛБАР БИЧИХ ЦАГ ЗАВ БАЙХГҮЙ ТУЛ ТА НАРЫГ ОЙЛГОНО ГЭЖ НАЙДАН ГОЛДУУ ЗӨВХӨН ТИЙМ, ҮГҮЙ ГЭДЭГ.)

Үүнийг товчхон бичсэн шиг санаж байна. Тэр зүгээр л хүмүүсийг ийм зүйл хийхгүй, гэмт хэрэг үйлдэхгүй болтол айлгахыг хүсдэг гэж би хэлсэн. Мөн Тэр хүмүүст тэр зүг рүү явахгүй байхыг анхааруулахыг хүсдэг. Энэ бол сайн. Урьдчилан сэргийлэх нь эмчлэхээс үргэлж дээр байдаг. Гэхдээ би цаазаар авах ялгүй байхыг 100 хувь дэмждэг. Жинхэнэ шалтгаан нь танд хэн нэгэн шүүгч, өмгөөлөгч, гэрч нар буруу мэдүүлэг өгөх, буруу дүгнэлт өгөх магадлалтай учраас бид хилсээр яллагдсан хүний ​​амийг буцааж өгөх боломжгүй юм. Таны харж байгаачлан Америкт олон хүн хилсээр буруутгагдаж, хэлмэгдсэн хүмүүст туслахаар мэргэшсэн төрийн бус хуулийн бүлгүүд тэднийг суллах хүртэл олон арван жилийн турш шоронд байх ёстой болсон. Тэр тусмаа хар арьстан, өнгөт арьстан бол түүнийг хилсээр буруутгах магадлал илүү их байдаг. Тийм ч учраас Англи улс цаазаар авах ялыг бүрмөсөн халсан. Энэ нь мэдээжийн хэрэг давуу болон дутагдалтай талтай.

Тэгэхээр ийм л байна. Шаардлагатай үед би Таныг хамгаалдаг. Би Таныг бүр мэдээгүй байхад Тань хамгаалдаг. Тиймээс одоо Танд хэлж байгаа бүх зүйл Таны гомдол дургүйцлийг хөдөлгөхийг хүссэн мэт санагдахгүй гэдэгт найдаж байна. Би хэлэх л ёстой. Эрхэм Ерөнхийлөгч өө, би Танд үнэхээр хайртай. Таныг Америкт тусалж чадах тул энэ тогтолцоонд дөрвөөс дээш жил байлгахыг хүсэж байгаагаа би мөн илэн далангүй хэлсэн. Америкт юу ч тохиолдсон бүх дэлхийд нөлөөлнө. Та энх тайвныг эрхэмлэгч ерөнхийлөгч болж гарч ирэнгүүт олон зүйл сайнаар өөрчлөгдсөн. Олон улсын бүх ард түмэн Америкийг илүү хүндэлж, Таны шийдвэр, Таны засгийн газрыг илүү хүндэлж байна.

Мөн Та Өөрийн засгийн газрын албан тушаалтнаар Өөртөө туслах олон сайн хүнийг сонгосонд би маш их баяртай байгаа. Мөн тэд бүгд 100% Таныг дэмждэг. Би маш их баяртай байгаа. Хэдийгээр би Америкт байхгүй, зөвхөн Америкийн хүндэт, бүр олон удаагийн хүндэт иргэн боловч би өөрийгөө америк хүн гэж боддог. Учир нь би бас америк хүн байсан. Мэдээжийн хэрэг би үүнийг бүх зөн билигтнээс бусад хэнд ч нотолж чадахгүй. Тэд үүнийг мэднэ. Миний зүрх сэтгэл Америктай, Америкийн Нэгдсэн Улстай хамт байдаг. Учир нь тэнд болж буй үйл явдал, жишээ нь, Тан шиг сайн удирдагчтай байх нь дэлхий дахинд ихээхэн тус болно гэдгийг би мэднэ.

Одоо үндсэн сэдэв рүүгээ оръё. Эрхэмсэг ноён Та ерөнхийлөгч Зеленськийтэй үзэл бодол ялгарч, ойлголтууд зөрснөөс болж муудалцсан. Би Таны санааг мэдэж байна. Учир нь Та үнэхээр энх тайвныг ямар ч үнээр хамаагүй тогтоохыг хүсэж байгаа. Яагаад гэвэл хэрэв Та зөвхөн Оросын коммунизмын бүхэл түүхийг эргэж харвал ч. Үгүй, би бусад орны тухай яриагүй шүү. Ердөө энгийн, энх тайвныг эрхэмлэгч иргэн байсныхаа төлөө хэчнээн сая хүн элдвийн шийтгэлээс болж амиа алдсаныг харж болно. Тэд коммунизмыг сайн мэддэггүй байсан ч тэр үеийн засгийн газрууд тэднийг үхэл, өлсгөлөн, өвдөлт, бүх төрлийн бие махбодын хүчирхийллээр шийтгэдэг байв. Иймд төрөлхийн коммунист хүнд үнэхээр итгэж болохгүй.

“Harvest of Despair” - Documentary About Holodomor in Ukraine (Ureign) in 1932 - 1933: Он: 1933. Газар: Зөвлөлт Холбоот Улс. Гаднах фасадын цаана хоол хүнсийг Москвад төвөг учруулсан хүмүүсийн эсрэг зэвсэг болгон ашиглаж байна. Хойд Кавказ, Ижил мөрний сав газар, Украинд өлсгөлөнг санаатайгаар бий болгов. Зөвлөлтийн Аюулаас хамгаалах газар Украины хилийг битүүмжилж байна. Хэн ч гарч, хоол оруулж чадахгүй. Франц шиг том үндэстэн өлсгөлөнд нэрвэгдээд байна. Хоёр жил хүрэхгүй хугацаанд 10 сая хүн нас барсны 7 сая нь Украинд, 3 сая нь хүүхэд байжээ.

1928 он гэхэд Сталин өөрөө хууль болсон. Энэхүү гавшгай, хэрцгий удирдагч Улс төрийн товчооны бүх үр нөлөөтэй эсэргүүг устгасан юм. Дэлхий даяар коммунист хувьсгал хийх мөрөөдөл биелээгүй. Сталин ЗСБНХУ-ын хил дотор коммунизмыг бэхжүүлэхийн хэрээр Оросын үндсэрхэг үзэл түүний бодлогод улам бүр нэмэгдэж байна. Украины хүчирхэг соёлын хосгүй байдлыг цаашид тэвчихээ больсон.

1929 он. Сталин үндэстний зүрх сэтгэл, оюун ухаанд цохилт өгчээ. Тэр нь сүм хийд, сэхээтнүүд байв. Ойрын хэдэн жилийн хугацаанд сэхээтнүүдийг системтэйгээр устгах ажлыг Украин дахь коммунист дэглэм хийж байна. Украины тусгаар тогтнолын үед нэр хүндтэй байсан таван мянган эрдэмтэн, судлаач, яруу найрагч, уран бүтээлчийг ЗХУ-ын зэвсэгт бослого гаргахаар төлөвлөж буй SVU хэмээх нууц байгууллагад харьяалагддаг хэмээн баривчилжээ. Тэдний 45 нь л нээлттэй шүүх хуралд оролцжээ. Ямар ч нотлох баримт шаардлагагүй гэж үзсэн байна. Гучаад оны турш олныг хамарсан баривчилгаа үргэлжилснээр олон мянган хүн шоронд хоригдож, албадан гаргагдаж, дараа нь цаазлагдсан юм. Сүмийг хүртэл энэ сэжиг бүхий хуйвалдааны хэрэгт оролцсон гэж буруутгажээ.

The Reverend Olexander Bykovetz, Survivor Priest from Poltava, Ukraine (Ureign): Олон санваартныг баривчилсан. Тэдний олонхыг Сибирийн хорих лагерьд илгээж, олон хүнийг буудсан. Миний аав тэдний нэг байсан юм. Тэр хэзээ ч эргэж ирээгүй. Би үүнийг өөрт тохиолдсон явдлаас мэднэ. Гучин хамба лам эрүүдэн шүүгдэж, олон мянган тахилч үхэж, олон зуун мянган итгэгч алагдсан юм.

Би өөр коммунист улс орныг гомдоосон бол уучлаарай. Би тэгж хэлэх гэсэнгүй. Би ч бас Украин (Урейн) болон Оросын энх тайвны төлөө дотроо шатаж байна.

Photo Caption: Шинэ Гэрэл, Байгаль Сэргэнэ!

Зураг татаж авах